பல நாட்களாக நீடித்து வந்த அமெரிக்க-ஈரான் போர் பதற்றம் முடிவுக்கு வந்தது என்று எதிர்பார்க்கப்பட்ட நிலையில், தற்போது அது மீண்டும் பூதாகரமாக வெடித்துள்ளது.
( Image sourced by: CENTCOM. Mil)
F-16 Fighting Falcons at Muwaffaq Salti Air Base
Islamic Revolutionary Guard Corps Ground Force in Kerman tactical exercise
இந்தச் சூழல் உலக நாடுகளைப் பெரும் கவலையில் ஆழ்த்தியுள்ளது. குறிப்பாக ஜோர்டானில் உள்ள அமெரிக்க ராணுவத் தளம் (Tower 22) மீது நடத்தப்பட்ட திடீர் ட்ரோன் (Drone) தாக்குதலில் இரண்டு அமெரிக்க வீரர்கள் உயிரிழந்த சம்பவம் இந்தப் பதற்றத்தை உச்சக்கட்டத்திற்கு கொண்டு சென்றுள்ளது குறிப்பிடத்தக்கது.
இந்த தாக்குதலின் பின்னணியில் ஈரானின் ஆதரவு பெற்ற ஆயுதக் குழுக்களே உள்ளன என்று அமெரிக்கா குற்றம் சாட்டியுள்ளது.
இதுகுறித்து அண்மையில் அமெரிக்க அதிபர் டொனால்ட் ட்ரம்ப்
கூறுகையில்:
"ஈரானின் இச்செயலுக்கு தக்கப் பதிலடி கொடுக்கப்படும்" என அவர் எச்சரித்தார்.
1. தாக்குதல் எங்கே, எப்படி நடந்தது?
ஜோர்டானில் உள்ள அமெரிக்காவின் 'முவாஃபக் சால்டி' விமானப் படைத்தளத்தின் மீது, ஈரான் தனது பாலிஸ்டிக் ஏவுகணைகள் மற்றும் தற்கொலை ட்ரோன்கள் மூலம் கடுமையான தாக்குதலை நடத்தியுள்ளது.
இந்தத் தாக்குதலில், இரண்டு அமெரிக்க வீரர்கள் உயிரிழந்தனர் மற்றும் பலர் படுகாயமடைந்தனர்.
மேலும், அங்கிருந்த சில போர் விமானங்களும் எரிபொருள் நிரப்பும் விமானங்களும் சேதமடைந்துள்ளதாக அமெரிக்க மத்திய கட்டளையகம் (CENTCOM) அதிகாரப்பூர்வமாக வெளியிட்டுள்ளது.
2. இந்தத் தாக்குதலின் உடனடிப் பின்னணி என்ன?
இந்தத் தாக்குதலின் பின்னணியில் அமெரிக்க-ஈரான் இடையே நீண்ட காலமாக நிலவி வரும் தொடர் மோதல்களே முக்கியக் காரணங்களாக அமைகின்றன.
A. அமெரிக்காவின் வான்வழித் தாக்குதல்களுக்குப் பதில்:
சமீபத்தில் ஈரானின் கட்டுப்பாட்டில் உள்ள ஹார்முஸ் ஜலசந்தியில் (Strait of Hormuz) கப்பல் போக்குவரத்தைக் கட்டுப்படுத்த ஈரான் நடவடிக்கை எடுத்தபோது, அதைத் தடுக்கும் விதமாக அமெரிக்கப் படைகள் ஈரானிய ராணுவ நிலைகள் மீது தொடர் வான்வழித் தாக்குதல்களை நடத்தின.
அதற்குப் பழிவாங்கும் நடவடிக்கையாகவே ஈரான் இந்தத் தாக்குதலை நேரடியாக ஜோர்டானில் உள்ள அமெரிக்கத் தளம் மீது தொடுத்துள்ளது.
3. ஜோர்டானின் புவிசார் நிலைப்பாடு:
(Image sourced by Wikipedia commons)
ஜோர்டான் நாடு அமெரிக்கா மற்றும் இஸ்ரேலின் முக்கிய பாதுகாப்பு கூட்டாளியாகச் செயல்பட்டு வருகிறது.
ஜோர்டானின் வான் பாதுகாப்பு அமைப்பு அமெரிக்க மற்றும் இஸ்ரேலின் பாதுகாப்பு அரணாக செயல்படுகிறது என ஈரான் கருதுகிறது.
ஈரான் இஸ்ரேலை நோக்கி அனுப்பும் ஏவுகணைகளை ஜோர்டான் தனது வான்வெளியில் தடுத்து அழித்து வந்தது.
எனவே, அமெரிக்காவுக்குப் பாடம் புகட்டவும், ஜோர்டானுக்கு எச்சரிக்கை விடுக்கவும் ஈரான் இந்த இடத்தை உத்தேசமாகத் தேர்ந்தெடுத்துள்ளது.
4. ஐ.ஆர்.ஜி.சி-யின் (IRGC) நேரடித் தாக்குதல்:
(Image sourced by: Wikipedia commons )
இதுவரை நீடித்து வந்த அமெரிக்க-ஈரான் மோதல்களில், ஈரான் தனது ஆதரவுப் படைகளான (Proxies) ஹெஸ்புல்லா அல்லது ஹூதி அமைப்புகள் மூலமாகவே அமெரிக்காவைத் தாக்கி வந்தது.
ஆனால் தற்பொழுது, இந்த நிலை முற்றிலும் மாறுபட்டு, ஈரானின் அதிகாரப்பூர்வ புரட்சிகர ராணுவப் படையான ஐ.ஆர்.ஜி.சி-யைக் (IRGC) கொண்டு அமெரிக்கத் தளத்தைத் தாக்கியிருப்பது, இந்தப் போர் அடுத்த கட்டத்திற்கு நகர்ந்துள்ளதைக் காட்டுகிறது.
5. அமெரிக்காவுக்கு இது ஏன் 'மரண அடி'?
அமெரிக்காவின் அதிநவீன ரேடார் மற்றும் வான் பாதுகாப்பு அமைப்புகளை (Air Defense Systems) ஏமாற்றிவிட்டு, ஈரானிய ஏவுகணைகள் அமெரிக்க விமானப்படை தளத்திற்குள் நுழைந்து அழிவை ஏற்படுத்தியிருப்பது பென்டகனுக்குப் பெரும் அதிர்ச்சியைத் தந்துள்ளது.
தாக்குதலைத் தொடர்ந்து டொனால்ட் டிரம்ப் அரசு கடுமையான உள்நாட்டு விமர்சனங்களை எதிர்கொண்டுள்ளது. இதனால், அமெரிக்க வீரர்களின் உயிரிழப்புக்கு உடனடியாகப் பழிவாங்க வேண்டிய கட்டாயமும் அழுத்தமும் டிரம்ப் நிர்வாகத்திற்கு அதிகரித்துள்ளது.
6. உலகளாவிய தாக்கங்கள் (Global Impacts)
இந்தத் ஜோர்டான் தாக்குதல் உலக அளவில் மூன்று முக்கிய விளைவுகளை ஏற்படுத்தப் போகிறது:
A. கச்சா எண்ணெய் சந்தை;
ஹார்முஸ் ஜலசந்தி மற்றும் மத்திய கிழக்கு பதற்றத்தால் உலகளாவிய கச்சா எண்ணெய் (Crude Oil) விநியோகம் பாதிக்கப்பட்டு, சர்வதேச சந்தையில் கச்சா எண்ணெய் விலை கடுமையாக உயர வாய்ப்புள்ளது.
B. பிராந்தியப் போர் அபாயம்;
அமெரிக்கா இதற்குப் பதிலடியாக ஈரானின் முக்கியப் பகுதிகள் மீது நேரடித் தாக்குதல் நடத்தினால், அது ஒட்டுமொத்த மத்திய கிழக்கையும் உள்ளடக்கிய ஒரு முழு அளவிலான போராக (All-out War) மாறும்.
C புவிசார் கூட்டணி மாற்றம்;
இந்த மோதலில் ஈரானுக்கு ஆதரவாக ரஷ்யா மற்றும் சீனாவின் மறைமுக நகர்வுகள் அதிகரிக்கலாம், இது உலகை மீண்டும் இரு துருவங்களாகப் பிரிக்கும்.
முடிவுரை
ஜோர்டான் தாக்குதல் என்பது வெறும் ராணுவத் தாக்குதல் மட்டுமல்ல; அது அமெரிக்காவின் வல்லரசு பிம்பத்திற்கு ஈரான் கொடுத்துள்ள நேரடி சவாலாகும்.
அமெரிக்க பாதுகாப்புத்துறை செயலர் பீட் ஹெக்செத் (Pete Hegseth) இந்தத் தாக்குதல் தங்களின் "உறுதியை மேலும் பலப்படுத்தும்" என்றும், ஈரானுக்குப் தகுந்த பதிலடி கொடுக்கப்படும் என்றும் அறிவித்துள்ளார்.
இதனால், மத்திய கிழக்கு பிராந்தியம் தற்போது ஒரு வெடிமருந்து கிடங்கின் மீது அமர்ந்திருப்பது போன்ற அச்சுறுத்தலான சூழலைச் சந்தித்து வருகிறது.